lunes, 16 de febrero de 2015

Aprobado o Programa operativo Feder da Xunta para 2014-2020

A Comisión Europea aproba o Programa operativo Feder da Xunta para 2014-2020, polo que Galicia poderá empezar a executar 900 millóns de fondos comunitarios
dos 4.000 millóns que vai recibir a Comunidade galega ata 2020.
 
O Programa operativo Feder elaborado pola Xunta para o período 2014-2020 inclúe tanto actuacións directas como instrumentos financeiros e subvencións dirixidas ás pemes ou ao fomento da investigación e a innovación.
 
Os obxectivos temáticos nos que se concentrará o investimento responden á Estratexia de Especialización Intelixente RIS3 deseñada polo Goberno galego, e que se centra nunha clara aposta por un novo modelo de crecemento económico baseado no coñecemento e na innovación.
 
Entre estes obxectivos temáticos prioritarios –que concentrarán o 65% do investimento- figuran a potenciación da I+D+i, a mellora do uso e a calidade das tecnoloxías da información e a comunicación (TIC), a competitividade das pequenas e medianas empresas e a aposta por unha economía baixa en carbono en todos os sectores.
 
Ademais, nas prioridades de investimento tamén están o apoio á eficiencia enerxética e o incremento no uso de enerxías renovables, a promoción do espírito empresarial impulsando a creación de novas empresas, o saneamento das rías, o fomento do turismo ou a preservación do medio ambiente.

No hay comentarios:

Publicar un comentario

""